Skip to content
Lagav Batti | Header
ताज्या बातम्या
माहिती लोड होत आहे...
Lagav Batti
राजकारण इतिहास पर्यावरण क्रीडा सामाजिक वेब स्टोरीज
Lagav Batti
राजकारण इतिहास पर्यावरण क्रीडा वेब स्टोरीज

युझवेंद्र चहलचा मोठा कारनामा! टी-२० क्रिकेटमध्ये 400 विकेट्स घेणारा ठरला पहिला भारतीय बॉलर

By Team Lagav Batti / November 19, 2026

भारतीय क्रिकेट संघातून सध्या बाहेर असलेल्या युझवेंद्र चहलने मैदानावर अशी कामगिरी केली आहे, ज्यामुळे पुन्हा एकदा त्याची चर्चा सुरू झाली आहे. टी-२० क्रिकेटमध्ये 400 विकेट्स घेण्याचा मोठा टप्पा पार करणारा चहल हा पहिलाच भारतीय बॉलर ठरला आहे. विशेष म्हणजे, भारतीय टीमकडून खेळण्याची संधी मिळत नसतानाही चहलने देशांतर्गत क्रिकेटमध्ये आपला फॉर्म कायम ठेवला आहे. सध्या तो सय्यद मुश्ताक अली ट्रॉफीमध्ये हरियाणा टीमकडून खेळत आहे.

हरियाणा आणि तमिळनाडू यांच्यात झालेल्या सामन्यात चहलने आपल्या फिरकीचा चांगलीच कमाल दाखवली. त्याने चार ओव्हर्समध्ये फक्त 16 रन्स देत तीन विकेट्स घेतल्या. त्याच्या या शानदार बॉलिंगमुळे तमिळनाडूच्या बॅट्समनना मोठी धावसंख्या उभारता आली नाही. या तीन विकेट्ससह चहलच्या टी-२० कारकिर्दीतील एकूण विकेट्सची संख्या 402 झाली आहे. त्यामुळे हा विक्रम त्याच्या नावावर जमा झाला आहे.

टी-२० क्रिकेटमध्ये सर्वाधिक विकेट्स घेणाऱ्या भारतीय बॉलर्सच्या यादीत चहल आता पहिल्या क्रमांकावर पोहोचला आहे. त्याच्या मागे भुवनेश्वर कुमार असून त्याने आतापर्यंत 366 विकेट्स घेतल्या आहेत. जसप्रीत बुमराह 354 विकेट्ससह तिसऱ्या क्रमांकावर आहे. तर पीयूष चावला आणि आर. अश्विन यांनी अनुक्रमे 329 आणि 323 विकेट्स घेतल्या आहेत. या यादीत अक्षर पटेल 300 विकेट्ससह सहाव्या, तर अर्शदीप सिंग 294 विकेट्ससह सातव्या क्रमांकावर आहे.

विशेष म्हणजे, 2023 मध्ये झालेल्या वेस्ट इंडिज दौऱ्यानंतर चहलला भारतीय टी-२० टीममध्ये खेळण्याची संधी मिळालेली नाही. मात्र, याचा त्याच्या खेळावर फारसा परिणाम झालेला दिसत नाही. आयपीएल असो किंवा देशांतर्गत क्रिकेट, चहल सातत्याने चांगली कामगिरी करत आहे. इतकंच नाही तर काऊंटी क्रिकेटमध्येही त्याने लाल चेंडूने खेळताना आपली छाप पाडली होती. त्यामुळे भारतीय टीममध्ये पुनरागमन करण्याची संधी मिळाल्यास तो पुन्हा एकदा महत्त्वाची भूमिका बजावू शकतो. चहलच्या या नव्या विक्रमामुळे टी-२० क्रिकेटमधील त्याचं स्थान पुन्हा एकदा अधोरेखित झालं आहे.

Previous

गिग वर्कर्सना सामाजिक सुरक्षा, पण ऊसतोड कामगार, बांधकाम मजुरांचं काय?

Next

गोकुळच्या दूध दरात इतिहासातील मोठी वाढ; म्हशीचं दूध 6 रुपयांनी महागलं, शेतकऱ्यांनाही वाढीव दर

More Posts

भारत-बांगलादेश तणावाचा फटका टी-२० वर्ल्ड कप ला? आयसीसीसमोर मोठं आव्हान

भारत-बांगलादेश तणावाचा फटका टी-२० वर्ल्ड कप ला? आयसीसीसमोर मोठं आव्हान

Leave a Comment / क्रीडा / By Team Lagav Batti
Saina Nehwal

सायना नेहवालने गुडघ्याच्या गंभीर आजारामुळे घेतली निवृत्ती

Leave a Comment / Uncategorized, क्रीडा / By Team Lagav Batti

Leave a Comment Cancel Reply

Your email address will not be published. Required fields are marked *

Lagav Batti | Footer Only
Lagav Batti

ताज्या बातम्या, राजकारण, इतिहास, पर्यावरण आणि क्रीडा क्षेत्रातील अचूक आणि निष्पक्ष माहितीसाठी 'लगाव बत्ती' तुमच्या सोबत आहे.

महत्त्वाच्या लिंक्स

राजकारण इतिहास पर्यावरण क्रीडा वेब स्टोरीज

आमच्याशी जोडा

© Lagav Batti. All rights reserved.

Scroll to Top