Skip to content
Lagav Batti | Header
ताज्या बातम्या
माहिती लोड होत आहे...
Lagav Batti
राजकारण इतिहास पर्यावरण क्रीडा सामाजिक वेब स्टोरीज
Lagav Batti
राजकारण इतिहास पर्यावरण क्रीडा वेब स्टोरीज

वेलिंग्टन टेस्टमध्ये विक्रमांचा पाऊस! केएल राहुलने रचला इतिहास, शुभमन गिलच्या नावावर नकोसा विक्रम…

By Team Lagav Batti / November 21, 2026

भारत आणि न्यूझीलंड यांच्यात सुरू असलेल्या वेलिंग्टन टेस्टच्या तिसऱ्या दिवशी मैदानावर एकापेक्षा एक विक्रम पाहायला मिळाले. भारतीय फलंदाजांनी शानदार बॅटिंग करत न्यूझीलंडच्या गोलंदाजांवर दबाव निर्माण केला. या दिवशी केएल राहुलने शतक झळकावत इतिहास रचला, तर शुभमन गिलच्या नावावर एका नकोशा विक्रमाची नोंद झाली. तिसऱ्या दिवसाचा खेळ संपला तेव्हा भारतीय टीमने 4 विकेट्स गमावून 486 रन्स केले होते. त्यामुळे पहिल्या डावाच्या आधारे भारताला 118 रन्सची आघाडी मिळाली होती.

या सामन्यात केएल राहुलने 136 रन्सची शानदार खेळी केली. या शतकासह तो सध्या खेळत असलेल्या भारतीय क्रिकेटपटूंमध्ये सर्वाधिक टेस्ट शतकं करणारा फलंदाज बनला आहे. त्याच्या नावावर आता 13 टेस्ट शतकं आहेत. या यादीत शुभमन गिल 11 शतकांसह दुसऱ्या क्रमांकावर आहे. दुसरीकडे, गिलने या सामन्यात 98 रन्स केले. शतकाच्या अगदी जवळ पोहोचल्यानंतर त्याची विकेट गेली. यासह टेस्ट इनिंगमध्ये 90 ते 99 रन्सदरम्यान बाद होणारा तो भारताचा 11वा कर्णधार ठरला. एमएस धोनीच्या नावावर असा प्रकार सर्वाधिक चार वेळा घडला आहे.

केएल राहुलच्या या शतकाचं आणखी एक खास वैशिष्ट्य म्हणजे त्याने क्रिकेटमधील चारही सेना देशांमध्ये शतक झळकावलं आहे. दक्षिण आफ्रिका, इंग्लंड, न्यूझीलंड आणि ऑस्ट्रेलिया या चारही देशांमध्ये टेस्ट शतक करणारा राहुल हा भारताचा एकमेव ओपनर आहे. त्याने इंग्लंडमध्ये चार, दक्षिण आफ्रिकेत दोन, तर न्यूझीलंड आणि ऑस्ट्रेलियामध्ये प्रत्येकी एक शतक केलं आहे.

याशिवाय वेलिंग्टनमधील बेसिन रिझर्व्ह मैदानावर भारतीय टीमने आणखी एक मोठा रेकॉर्ड केला. पहिल्या डावात 486 रन्स करत भारताने या मैदानावरील आपली आतापर्यंतची सर्वोच्च टेस्ट धावसंख्या उभारली. याआधी 2014 मध्ये भारताने याच मैदानावर न्यूझीलंडविरुद्ध 438 रन्स केले होते. ओपनर म्हणून न्यूझीलंडमध्ये सर्वाधिक धावा करणाऱ्या भारतीय फलंदाजांच्या यादीतही राहुल तिसऱ्या क्रमांकावर पोहोचला आहे. या यादीत गौतम गंभीर पहिल्या दोन स्थानांवर असून त्याने 2009 मध्ये 167 आणि 137 रन्सची खेळी केली होती.

न्यूझीलंडमध्ये टेस्ट डेब्यूच्या पहिल्याच इनिंगमध्ये शतक करणाऱ्या भारतीय फलंदाजांच्या यादीतही राहुलचं नाव जोडलं गेलं आहे. त्याच्याआधी 1976 मध्ये सुनील गावस्कर आणि सुरेंदर अमरनाथ यांनी अशी कामगिरी केली होती. राहुलने या सामन्यात आणखी एक खास रेकॉर्ड केला. न्यूझीलंडमध्ये एका टेस्ट इनिंगमध्ये दोन शतकी पार्टनरशिप करणारा तो तिसरा भारतीय फलंदाज ठरला. त्याने यशस्वी जैस्वालसोबत 130 रन्स, तर देवदत्त पडिक्कलसोबत 165 रन्सची भागीदारी केली. याआधी राहुल द्रविड आणि गौतम गंभीर यांनी अशी कामगिरी केली होती.

2021 पासून टेस्ट क्रिकेटमध्ये ओपनर म्हणून सर्वाधिक शतकं करणाऱ्या फलंदाजांच्या यादीतही राहुलचा समावेश आहे. त्याने आतापर्यंत सात शतकं केली असून टॉम लॅथम, बेन डकेट, यशस्वी जैस्वाल आणि दिमुथ करुणारत्ने यांच्या नावावरही प्रत्येकी सात शतकं आहेत. दरम्यान, या सामन्यात ऋषभ पंतने 55 रन्स, शुभमन गिलने 98 रन्स आणि देवदत्त पडिक्कलने 80 रन्स करत टीम इंडियाच्या धावसंख्येत महत्त्वाचं योगदान दिलं. त्यामुळे तिसरा दिवस भारतीय फलंदाजांच्या नावावर राहिला आणि केएल राहुलच्या खेळीने या सामन्यातील सर्वाधिक लक्ष वेधून घेतलं.

Previous

शिवसेनेत या, मंत्री बनवतो अभिजीत पाटलांना भरत गोगावलेंची ऑफर, पाटील पक्ष बदलणार का?

Next

गोशाळांच्या जमीन व्यवहारांना कृषी दर लागू; व्यावसायिक दर आकारण्यास सरकारची बंदी, महसूल विभागाचा आदेश

More Posts

भारत-बांगलादेश तणावाचा फटका टी-२० वर्ल्ड कप ला? आयसीसीसमोर मोठं आव्हान

भारत-बांगलादेश तणावाचा फटका टी-२० वर्ल्ड कप ला? आयसीसीसमोर मोठं आव्हान

Leave a Comment / क्रीडा / By Team Lagav Batti
Saina Nehwal

सायना नेहवालने गुडघ्याच्या गंभीर आजारामुळे घेतली निवृत्ती

Leave a Comment / Uncategorized, क्रीडा / By Team Lagav Batti

Leave a Comment Cancel Reply

Your email address will not be published. Required fields are marked *

Lagav Batti | Footer Only
Lagav Batti

ताज्या बातम्या, राजकारण, इतिहास, पर्यावरण आणि क्रीडा क्षेत्रातील अचूक आणि निष्पक्ष माहितीसाठी 'लगाव बत्ती' तुमच्या सोबत आहे.

महत्त्वाच्या लिंक्स

राजकारण इतिहास पर्यावरण क्रीडा वेब स्टोरीज

आमच्याशी जोडा

© Lagav Batti. All rights reserved.

Scroll to Top