आजच्या काळात सेलिब्रिटी म्हणजे फक्त लाईमलाईट, शो आणि सोशल मीडियावरचे ट्रेंड्स असं समीकरण झालंय. पण काही माणसं अशी असतात, जी प्रसिद्धीपलीकडे जाऊन समाजासाठी काहीतरी ठोस करतात. फेमस सिंगर मिका सिंगनं घेतलेला एक निर्णय आज लाखो लोकांच्या मनाला भिडतोय. देशभरात भटक्या कुत्र्यांच्या प्रश्नावर जोरदार चर्चा सुरूय.. कुठे सुरक्षिततेचा मुद्दा, तर कुठे माणुसकीचा. अनेक ठिकाणी केवळ हटवणं, मारणं किंवा कठोर उपाय यांवर भर दिला जातोय. पण मिका सिंगनं या भटक्या कुत्र्यांसाठी स्वतःची तब्बल 10 एकर जमीन देण्याची तयारी दाखवत, या जमिनीवर त्यांचं राहणं, वैद्यकीय उपचार, लसीकरण, नसबंदी आणि योग्य देखभाल यांसारख्या सुविधा उभारण्याचा विचार असल्याचंही म्हंटलंय.
प्रश्न टीकेने नाही, तर कृतीने सुटतात. आज जेव्हा अनेक जण फक्त बोलतायत, तेव्हा मिका सिंगनं कृतीतून दाखवलं की इच्छाशक्ती असेल, तर बदल नक्कीच शक्य आहे. फक्त सोशल मीडियावर मत मांडून थांबणं comparatively सोपं असतं. पण स्वतःची जमीन, संसाधनं आणि जबाबदारी घेणं या मिका सिंगच्या कृतीचं आता कौतुक होतंय.
