केंद्रीय अर्थमंत्री निर्मला सीतारमण य़ांनी आज 1 फेब्रुवारी 2026 रोजी देशाचा अर्थसंकल्प मांडला. निर्मला सीतारामन यांनी अर्थसंकल्पाच्या भाषणात अनेक महत्त्वाच्या घोषणाही केल्या. यंदाच्या अर्थसंकल्पातून काय स्वस्त झालं, याची यादी पाहा
काय स्वस्त ?
मोटारसायकल
पादत्राणे, बूट
कॅन्सरची औषधं
मधुमेहाची औषधं
क्रीडा साहित्य
मोबाईल फोन
टॅबलेट
एलसीडी, एलईडी
मायक्रो ओव्हन
ईव्ही बॅटरी, ईव्ही वाहने
लिथियम आयन बॅटरी
सौर पॅनेल
भारतात बनवलेले कपडे
वैद्यकीय उपकरणे
फ्रोझन मासे
अपघात विमा
आता याच 2026-27 च्या अर्थसंकल्पातून काय महाग झालं, तेही पाहा…
काय महाग ?
इंटरॅक्टिव्ह फ्लॅट पॅनल डिस्प्ले
खनिज
दारु
पीव्हीसी फ्लेक्स शीट्स
या अर्थसंकल्पाच्या स्वस्त महाग गोष्टीं पाहिल्यास लक्षात येईल की, आजपासून म्हणजेच 1 फेब्रुवारीपासून तुमचं व्यसन महागलंय..म्हणजेच सिगारेट आणि तंबाखू प्रोडक्ट महाग झाली आहेत. सिगारेट 40% पर्यंत महाग होतील. कारण सिगरेट, गुटखा, जर्दा, पान मसाला आणि इतर तंबाखूजन्य पदार्थांवर टॅक्स वाढवण्यात आला आहे पान मसाला, खैनी आणि गुटखा यांसारख्या तंबाखू उत्पादनांवर 40% GST लागेल. उपकर (सेस) काढून टाकण्यात आला आहे. आतापर्यंत यावर 28% GST सह ‘भरपाई उपकर’ (कंपनसेशन सेस) लागत होता. यामुळे एकूण कर 50% पेक्षा जास्त होत होता. सिगारेटवर तिच्या लांबीनुसार नवीन उत्पादन शुल्क (एक्साइज ड्यूटी) देखील लागू होईल. ₹2.05 पासून ते ₹8.5 प्रति स्टिकपर्यंत हे उत्पादन शुल्क लागेल. याव्यतिरिक्त, तंबाखू उत्पादनांप्रमाणे सिगारेटवर 40% GST देखील लागेल. तथापि, बिडीला दिलासा देत GST 18% करण्यात आला आहे. उत्पादन शुल्क (एक्साइज ड्यूटी) उत्पादन खर्चात समाविष्ट होते. जेव्हा सिगारेट कारखान्यातून बाहेर पडते, तेव्हा त्यावर उत्पादन शुल्क लागलेले असते. यानंतर जेव्हा त्यावर GST लावला जातो, तेव्हा तो ‘वाढलेल्या किमतीवर’ (ज्यात उत्पादन शुल्क समाविष्ट आहे) लागतो. यामुळे ‘करावर कर’ अशी स्थिती निर्माण होते आणि अंतिम MRP वाढते. या बदलामुळे किरकोळ बाजारात सिगारेट आणि तंबाखू उत्पादनांच्या किमतीत 15% ते 40% पर्यंत वाढ होऊ शकते. सरकारचे हे पाऊल सरकारी तिजोरी भरण्याचा एक प्रयत्न मानला जात आहे. कारण सप्टेंबरमध्ये सरकारने घरगुती वापर वाढवण्यासाठी अनेक उत्पादनांवर जीएसटीमध्ये कपात केली होती.
